Нууцлалын бодлого

1.1Цэцэрлэгийн тухай: нэр, хаяг, утас, лого, эрхлэгчийн нэр.

1.2Ажилтны тухай: нэр, имэйл, утас (сонголтоор), эрхийн төрөл, сүүлд нэвтэрсэн огноо.

1.3Хүүхдийн тухай: нэр, төрсөн огноо, хүйс, эцэг эхийн холбоо барих мэдээлэл, зураг, дүрс тэмдэг, харьяалагдах бүлэг.

1.4Сурган хүмүүжүүлэх бүртгэл: өдөр тутмын ажиглалт, А/79 үнэлгээ, ирц, багшийн тэмдэглэл, эцэг эхэд илгээсэн мэдээ.

1.5Техникийн: нэвтрэлтийн сешн хадгалах күүки. Хэрэглэгчийн зан төлөв хянадаг гуравдагч талын хэмжилт (Google Analytics г.м.) ашигладаггүй — өгөгдөл сайтаас гадагш гардаггүй.

1.6Ашиглалтын бүртгэл: системд нэвтэрсэн хэрэглэгч аль хуудсыг нээснийг өдрөөр нэгтгэж тоолно — «хэн, хэдэн цагт орж, аль цэсийг хэдэн удаа хэрэглэсэн». Үүнийг зөвхөн системийн админ хардаг ба цэцэрлэгүүд системийг ашиглаж чадаж байгаа эсэхийг хянах, гацсан хүнд туслахад хэрэглэнэ. Хаягны дэлгэрэнгүйг хадгалдаггүй: хуудасны хэлбэр л бүртгэгдэх (жишээ нь «хүүхдийн хуудас») бөгөөд ТУХАЙН хүүхэд, ажиглалт, тэмдэглэл нь бүртгэлд ОРДОГГҮЙ. Ажиглалт, тэмдэглэл, мессежийн агуулгыг энэ бүртгэл хөнддөггүй.

1.7Гэрээний баримт: гэрээ байгуулбал захиалагч талын нэр, регистрийн дугаар, хаяг, утас, имэйл. Цэцэрлэгийн хувьд эдгээр нь байгууллагын мэдээлэл бөгөөд дээр нь гарын үсэг зурах хүний нэр, албан тушаал нэмэгдэнэ. Бие даасан багшийн хувьд гэрээ нь иргэнтэй байгуулагдах тул түүний өөрийн нэр, иргэний регистрийн дугаар, оршин суугаа хаяг болно. Эдгээрийг зөвхөн гэрээ, төлбөрийн баримт бүрдүүлэхэд ашиглана — системийн бусад хэсэгт харагдахгүй.

1.8Заавар бичлэг: сургалтын бичлэг YouTube дээр байрладаг. Хуудас нээхэд түүнээс юу ч татагддаггүй — бүрхүүлийн зураг нь манай сервер дээр байдаг. Та тоглуулах товчийг дарсан үед л YouTube-ын тоглуулагч ачаалагдах ба тэр мөчид таны IP хаяг Google-д харагдана. Бид youtube-nocookie.com хаягийг ашигладаг тул тоглуулах хүртэл сурталчилгааны күүки тавигдахгүй.

1.9Багшийн туслахад тавьсан асуулт: системийг хэрхэн ашиглах талаар туслахаас асуувал таны бичсэн асуулт, түүнд өгсөн хариулт хадгалагдана. Үүнийг хоёр зүйлд хэрэглэнэ: нэг хүний өдрийн асуултын тоог хязгаарлах, мөн системийн аль хэсэг нь ойлгомжгүй байгааг олж засах. Асуултаа өөрийн үгээр бичдэг тул хүүхдийн нэр, эцэг эхийн мэдээллийг бичихээс зайлсхийнэ үү — туслахад тэр мэдээлэл хэрэггүй.

2.1Цуглуулсан мэдээллийг зөвхөн үйлчилгээг үзүүлэх зорилгоор ашиглана:

• •Хүүхдийн хөгжлийн ажиглалт, үнэлгээг хөтлөх, тайлан гаргах
• •Багш, удирдлагыг зөв өгөгдөл рүү нь чиглүүлэх (эрхийн хяналт)
• •Эцэг эхэд хүүхдийнх нь мэдээллийг хүргэх
• •Төлбөр, хугацааны бүртгэл хөтлөх
• •Системийн алдааг олж засах

2.2Мэдээллийг зар сурталчилгаанд ашиглахгүй, гуравдагч этгээдэд худалдахгүй, хиймэл оюуны загвар сургахад ашиглахгүй.

3.1Хүүхдийн мэдээлэлд зөвхөн тухайн хүүхдийн бүлгийн ажилтан, тэр цэцэрлэгийн удирдлага, мөн эцэг эхэд илгээсэн холбоос эзэмшигч хандана.

3.2Хүүхэд өөр цэцэрлэгт шилжихэд түүний мэдээлэл шилжүүлэх хуудсаар дамжин очно. Хуучин цэцэрлэг тухайн хүүхдийн шинэ бүртгэлийг харахгүй.

4.1Хандалтыг програм дээр биш, өгөгдлийн сангийн түвшинд хязгаарласан (row level security). Өөрөөр хэлбэл програмын алдаа гарсан ч өөр цэцэрлэгийн өгөгдөл нээгдэхгүй.

4.2Системийн админ нь цэцэрлэгүүдийн бүртгэл, ажилтны тоо, ашиглалтын статистик болон 1.6-д заасан хандалтын бүртгэлийг хардаг. Хүүхдийн хувийн бүртгэлийг зөвхөн техникийн шаардлагаар, тухайн цэцэрлэгийн хүсэлтээр үзнэ.

4.3Туслахад тавьсан асуултыг (1.9) өөрөө болон системийн админ хардаг. Нэг цэцэрлэгийн ажилтнууд бие биеийнхээ асуултыг ХАРАХГҮЙ — удирдлага ч мөн адил.

5.1Холбоос нь зөвхөн НЭГ хүүхдийн мэдээллийг харуулна. Бусад хүүхэд, бүлгийн жагсаалт харагдахгүй.

5.2Багш эсвэл удирдлага холбоосыг хэдийд ч цуцалж болно. Цуцалсан холбоос дахин ажиллахгүй.

6.1Өгөгдлийн сан, файлууд нь Supabase дэд бүтцэд, Токио (Япон улс) дахь өгөгдлийн төвд хадгалагдана. Програм нь Vercel дээр ажиллана.

6.2Өөрөөр хэлбэл таны мэдээлэл Монгол Улсын нутаг дэвсгэрээс гадна хадгалагдаж байна. Токиог сонгосон нь Монголоос хамгийн ойрын хурдтай бүс учраас.

6.3Дээрх хоёроос өөр гуравдагч этгээдэд өгөгдөл дамжуулдаггүй.

6.4Багшийн туслах нь асуултыг манай сервер дээр боловсруулна. Хариултыг гарын авлагын бичвэрээс хайж олдог бөгөөд таны бичсэн асуулт ямар ч гадаад үйлчилгээ рүү илгээгддэггүй.

6.5Туслах нь өгөгдлийн санд огт хандахгүй: хүүхдийн бүртгэл, ажиглалт, үнэлгээ, зураг, эцэг эхийн мэдээллийг уншдаггүй. Зөвхөн нийтэд нээлттэй гарын авлагын бичвэрээс хариулна. Хэрэв ирээдүйд гадаад үйлчилгээ холбогдвол энэ заалтыг урьдчилан шинэчилж, шинэчилсэн огноог тэмдэглэнэ.

7.1Цэцэрлэг системийг ашиглаж байх хугацаанд өгөгдөл хадгалагдана.

7.2Төлбөрийн хугацаа дуусахад өгөгдөл устахгүй — зөвхөн бичих эрх түр хаагдана.

7.3Устгах хүсэлтийг цэцэрлэгийн удирдлага гаргана. Устгасан өгөгдлийг сэргээх боломжгүй.

7.4Байгуулсан гэрээ (1.7) нь нягтлан бодох бүртгэлийн баримт тул устгах хүсэлтээс үл хамааран хуулийн дагуу хадгалагдана.

7.5Туслахад тавьсан асуултыг (1.9) системийн ойлгомжгүй хэсгийг засахад хэрэглэсний дараа хадгалах шаардлагагүй тул нэг жилийн дараа устгана. Түүнээс өмнө устгуулах хүсэлт гаргаж болно.

8.1Та дараах эрхтэй:

• •Өөрийн болон хүүхдийнхээ тухай ямар мэдээлэл байгааг мэдэх
• •Буруу мэдээллийг засуулах
• •Мэдээллээ устгуулах (хуулиар хадгалах шаардлагагүй бол)
• •Өгөгдлийнхөө хуулбарыг авах

8.2Эцэг эх нь эхлээд цэцэрлэгтээ хандана — хүүхдийн бүртгэлийг тэд хөтөлдөг. Цэцэрлэг шийдэж чадахгүй бол бидэнд хандана.

• •Бүх холболт HTTPS-ээр шифрлэгдэнэ
• •Нууц үг нь сэргээх боломжгүй хэлбэрээр хадгалагдана — бид ч гэсэн харах боломжгүй
• •Өгөгдлийн санд мөр бүрийн түвшний хандалтын хяналт (RLS) идэвхтэй
• •Зураг зэрэг файлууд нээлттэй биш, эрхээр хамгаалагдсан хадгалалтад

9.1Аюулгүй байдлын цоорхой олсон бол бидэнд шууд мэдэгдэнэ үү.

10.1Энэ бодлогыг шинэчилж болно. Сүүлд шинэчилсэн огноо хуудасны дээр байрлана.

10.2Хувийн мэдээлэлтэй холбоотой асуултаа:

• •Имэйл: grahygeo@gmail.com
• •Facebook: Манай Facebook хуудас
• •Хаяг: Улаанбаатар хот, Баянгол дүүрэг, 9-р хороо, Уулзвар төвийн 304 тоот
• •Улсын бүртгэл: 6523188